Viño Gingero

Þegar ég kom til Íslands um daginn var ég dáldið hissa á því að Íslendingar væru ekki búnir að uppgötva snilldardrykkinn Viño Gingero. Þetta er nýjasta æðið hérna í USA og er alveg ótrúlega gott. Grunnhugmyndin er að taka gott hvítvín og út í það er settur biti af engiferrót. Þetta er alveg ótrúlega gott og frískandi í sumarhitunum.

Það var einhver Kalforníubúi sem uppgötvaði þetta og er nú orðin vellauðugur á þessari einföldu, en samt snilldar hugmynd. Svona er nú Ameríka.... Þetta er búinn að vera aðal sumardrykkurinn á börunum hérna í Boston og NYC og að sjálfsögðu drekkur fólk ekki annað í Kali. Spurning um að breiða siðinn út til Íslands líka?