Samkvæmt nýjustu fréttum eru Gestur og Lena komin með þokkalega celeb nágranna en DeCalb fangelsið er einmitt í næsta nágrenni við þau.

Annars eru MBA nemar hlægilegt fólk. MBA nema er yfirleitt hægt að þekkja á því að þau eru í sérsaumuðum stuttermaskyrtum þar sem á stendur Georgia Tech MBA. Nú ef þú skyldir nú ekki spotta þau á þessu þá eru þau með heimatilbúin skilti með nafni og "MBA Student" skrifuðu á sem þau setja á borðið sitt í tímum. Jafnvel þótt enginn annar geri það. Ég hef reyndar aldrei áður verið með þeim í tímum en Nonni sagði mér að skemmtilegast væri samt þegar kemur að því að flytja fyrirlestra í tímum. Þá mæta þau í jakkafötum/drögtum til að flytja fyrirlestrana sína jafnvel þó úti sé 35 stiga hiti og m.a.s. kennarinn er í stuttbuxum! Silly people.

Annað skemmtilegt úr skólanum í dag sem tengist reyndar MBA nemum líka. Kennarinn spurði nefnilega út í bekkinn og einn MBA nemanna flýtti sér að svara. Svo sagði kennarinn að þetta hefði nú verið mjög gott svar og þá sá ég að gaurinn sneri sér að vini sínum og gerði svona JESS!! hreyfingu. Ég þarf greinilega að fara að leggja meiri metnað í frammistöðu mína í tímum.