Karlmannslaus á Massachussetts Registry of Motor Vehicles

Yeah, nýja uppáhaldslagið mitt. Torfi, þetta er allt öðruvísi lag en síðast. Þér á sennilega eftir að líka þetta mun betur. Tékk it át!

Annars er það helst að frétta að ég eyddi hálfum deginum á Commonwealth of Massachussetts Registry of Motor Vehicles. Borgaði $90 fyrir að skipta Georgia ökuskírteininu út fyrir Massachussetts skírteini og meðan ég bíð eftir nýja skírteininu geng ég um með A5 blað í veskinu sem er tímabundna ökuskírteinið mitt og mín einu skilríki. En það er mjög nauðsynlegt að vera með skilríki hérna til að komast á pöbbinn á kvöldin og til að kaupa áfengi í búðum (sem ég geri á hverjum degi... djók... eða ekki?). Eins gott að ég fái skírteinið fljótt. Hins vegar tókst mér ekki að láta skrá mig sem meðeiganda að bílnum og þ.a.l. ekki að fá bílinn skráðan hérna í fylkinu. Fer aðra ferð á morgun og þá með réttar undirskriftir... jei, alltaf gaman að flytja og þurfa að standa í svona löguðu.

Hei já, svo gleymi ég aðalatriðinu. Ég er nefnilega Nonnalaus fram á föstudag sem mér finnst alls ekki nógu skemmtilegt. Hlýjar kveðjur, slúður og gamansögur eru vel þegnar til að ylja mér við á síðkvöldum. Anna, geturðu ekki sent mér eitthvað af erótísku sögunum þínum?