Rólegur dagur í gær eftir djamm föstudagsins. Hulda Clara og Gestur kíktu í síðdegiskaffi til okkar og svo skelltum við okkur á Maid in Manhattan um kvöldið. Ég hélt að þetta væri bara ósköp sæt svona love-mynd en hún var nú eiginlega einum of léleg. Sérstaklega þegar sonur hennar (J.Lo) ryðst inn á blaðamannafund sem stjórnmálamaðurinn (Ralph Fiennes) er að halda og spyr hvort fólk eigi ekki skilið annað tækifæri þegar það gerir mistök. Og þetta tókst litla stráknum af því að áður hafði stjórnmálamaðurinn kennt honum að yfirvinna hræðslu sína við að tala fyrir framan fólk með því að nota bréfaklemmu (þið verðið að sjá myndina til að sjá hvernig aðferðin er). Við Nonni lágum í hláturskasti... og hann fær að velja næstu mynd.