17. júní and a sexy lady

Til hamingju með þjóðhátíðardaginn. Hér í Boston verða að sjálfsögðu mikil hátíðarhöld í tilefni dagsins. Þó ekki í dag heldur á laugardaginn þegar Íslendingafélagið mun grilla SS-pylsur og léttsveit Reykjanesbæjar mun sjá um að halda uppi stuðinu.

Annars var gærdagurinn ónýtur þar sem ég fékk vangefin hálsríg eftir púlið í leikfiminni. Ég fór út í apótek til að finna mér eitthvað við þessu. Kaninn klikkaði að sjálfsögðu ekki og bauð upp á heilan vegg af plástrum, pillum og drykkjum til að lina þjáningar mínar. Endaði með hitaplástra og leið eins og eldri dömu þegar ég skreið upp í rúm í gær með hálsinn allan vel plástraðan og gamlan trefil til að halda þessu öllu á sínum stað. N.b. það er 30 stiga hiti hérna þannig að ég var líka með viftuna á fullu við hliðina á rúminu. En mér líður betur í dag þannig að það var þess virði.