Fréttapési

Þá er mín komin aftur heim í heiðardalin eftir tveggja daga ferð til NYC. Hápunktur ferðarinnar var að sjálfsögðu þegar við Kristrún gengum fram á sjálfan Mulder í ísferð með eiginkonunni, Téu Leoni. Ég verð að segja að maðurinn minnir mig bara dáldið á eiginmanninn tilvonandi. Hvað finnst ykkur*? Mikið hrós fyrir Mulder. Við vorum að sjálfsögðu hæstánægðar með þetta celebrity spotting, gerist eiginlega ekki mikið betra... haaaa.



Annars slappaði ég bara vel af. Við kíktum aðeins út á lífið á miðvikudaginn með crazy girl og með Ellu á fimmtudaginn (crazy girl too). Fyrir einskæra tilviljun enduðum við á sama veitingastað á fimmtudagskvöldinu og ég fór með Rósu og Nonna á um árið. Best að hafa farið tvisvar út að borða í Village og alltaf á sama stað. Svo var bara rölt um Manhattan og slappað af í Central Park. Fór reyndar á sama stað og við Rósa og Nonni um árið í Central Park en það var ekki tilviljun enda alveg magnaður staður. The Boathouse.


Nú um helgina erum við hjónakornin tilvonandi að slappa af. Við fengum okkur brunch á gyðingastað í Coolidge Corner í morgun og röltum svo þar um og skoðuðum í antikbúðir. Á morgun er stefnan hins vegar sett á að bregða undir sig betri fætinum. Annars vegar að kíkja á ströndina í Manchester by the Sea ef veðrið verður ofsa gott. Plan B er svo að kíkja niður til Newport í Connecticut að skoða gömlu sumarhús súperríka fólksins en þau eru víst til sýnist og ansi flott.

Svo bið ég ykkur vel að lifa.

*Það er greinilega hægt að plata David Duchovny í ýmislegt rugl þegar kemur að myndatökum eins og ég rakst á þegar ég var að finna mynd af honum. "Hey David ég veit, prófum að taka mynd af þér berum með tebolla yfir sprellanum". Ok... "Eða þar sem þú ert í apastellingu og lítur út fyrir að vera með bleyju". Ok...