Með ljótt hár

Jájá... I'm alive. Ég hef ákveðið að reyna að skrifa aðeins oftar og þá kannski bara stutta pistla í hvert skipti. Hef ótrúlegt en satt fengið kvartanir. Athugið samt að ég er ekki með teljara á síðunni minni* þannig að ég mæli vinsældir mínar í kommentakerfinu. Ég held þess vegna að ég eigi bara tvo til þrjá lesendur og verð því alltaf jafn hissa þegar fólk segist lesa síðuna mína.

Í dag þarf ég að segja frá því að ég pantaði mér tíma í klippingu og litun um daginn. Svo þurfti ég að hætta við á síðustu stundu en það passaði upp á mínútu að um leið og ég missti af tímanum fékk ég ógeð á hárinu á mér. Allt í einu er ég komin með svakalega rót, liturinn er líflaus, endarnir slitnir og klippingin ómöguleg. Þeir sem þurfa að umgangast mig þurfa semsé að horfa upp á þetta fram á næsta þriðjudag.

Þið hin getið prísað ykkur sæl.

*Það má svo deila um það hvort kona í minni starfsgrein eigi að vera að segja frá svona löguðu.