Ég er annars að skipuleggja hvaða kúrsa ég eigi að taka á næstu önn. Fyrsta skráningartímabil er reyndar búið en ég er ekki alveg sátt við hvaða kúrsa ég skráði mig í og er að hugsa um að breyta. Ætla að nota aðferð sem Dan, vinur okkar í USA, ætlaði að nota og mér líst vel á. Málið er að það er svo mikið úrval að kúrsum að hann notar stundaskrána til að velja. Planið hjá mér er semsagt að vera bara í skólanum á þriðjudögum og fimmtudögum sem er náttúrulega algjör snilld. Stundatöflurnar mínar síðustu tvær annir hafa verði hörmung, í skólanum alla daga og alltaf með göt á milli tíma, svo nú er kominn timi til langra helga og massívra daga þess á milli. Gat m.a.s. fundið ótrúlega spennandi kúrsa til að taka þá en nú verður fókusað á stjórnun og seðla (vs. biðraðafræði, forritun og fleira sem ég veit að lesendur síðunnar fylgdust með af áhuga á síðustu önn). Enda held ég að sé kominn tími til að ég læri eitthvað um peningahliðina, Nonna finnst það allavega. Nú þegar ég er orðinn annars árs nemi (úha!) get ég líka farið að velja eftir kennurum sem er ansi mikill munur. Ég hef reyndar bara verið með einn arfaslakan kennara í þessum skóla og hann er stærðfræðiprófessor (think línuleg algebra þeir sem voru með mér á ári í verkfræði). Hinir kennaranir eru samt misgóðir og nú vel ég bara bestu ;)