How are you doin?

Í dag fékk ég í fyrsta skipti tækifæri til að nota línuna "No thank you, I am married". Mín var á labbi í dag (í húsmóðurgallanum, sjá mynd) og þá vatt ungur maður sér upp að mér og sagðist kannast alveg rosalega við mig og eftir stutt samtal spurði hann mig svo hvort ég væri nokkuð til í drykk einhvern tíman.

Nú held ég alltaf að það sé eitthvað að strákum sem reyna við mig, sérstaklega ef þeir eru ekki ómyndarlegir*. Annað hvort það eða að verið sé að gera grín að mér. Þessi var bara alveg ágætlega útlítandi svo það hlýtur eitthvað andlegt að hafa verið að honum. En ég lái honum svosem ekki að reyna. Ég fékk nefnilega moskítóbit á baugfingurinn um daginn og hef ekki getað gengið með Hringinn í nokkra daga. Best að fara að setja hann upp aftur svo ég fái frið.

* Ég er enn að reyna að átta mig á hvað er að Nonna.